انا كنت قاعد ع الكومبيوتر وفاضى مش عارف اعمل ايه قولت اكتب قصه حياتى ليكم عشان اقرفك شويه ولو عجبتكم اكمل ولو معجبتكمش خلاص غيرها فى غيرها
بسم الله يلا نبدأ
النهاردة 23/1/2010 يوم عادى وبالمناسبة السعيدة دى انا قررت احكيلكم انا جيت الدنيا ازاى
واحد بيقول :. (ييييييه يا عم هى ناقصة كمان تقولنا انت جيت ازاى مش كفاية انت موجود) انا مش هرد عليك علشان انت فى المنتدى و بس
ياااه اليوم دة مش حقدر انساه لسه فكره زى ما يكون امبارح بالظبط .... سرير فى اوضة فى شقة فى عمارة فى شارع فى حى فى مدينه فى مصر فى افريقيا فى الكرة الارضية فى مجرة درب التبانة فى الكون الواسع ... فى يوم 21/7/1992
برة الاوضة ابويا رايح جاى رايح جاى : حسبنا الله لا اله الا هو الحى القيوم ........... اختى ايام ما كانت صغيرة 5 سنين : قاعدة مش عارفه اية اللى بيحصل وقاعدة موزبهلة بكل برأة مش عارفة ان فى واحد هيجى بعدها كانت حوالى الساعة 4 او 5 او 7 الصبح المهم كانت الناس نايمة
جوة الاوضة
امى وانا والداية الداية دى الست اللى شدت رجلى علشان تنزلنى المهم الداية تشد وانا اشد ... انا مش فاهم اللى بيحصل انا كنت قاعد فى حالى لقيت حد بيشدنى وبعد صراع شديد انا والداية
واء ... واء ... ايواء - الداية : لولولى ... ولد ... الف مبروك ... هتسموه اية طب والنبى دة وقتوا مستعجلة قوى عوزة تعرف اسمى اية .... سمونى محمود على اسم جدى اختى بعد ما دخلت بقى قاعدت جانبى "موزبهلة بردة" مش عارفه انا تبع مين ولا جيت منين ومش عارفه انا مين اصلا - مين دة يا ماما ؟؟؟!!! - دة اخوكى محمود الصغير يا حبيبتى .. - هو بنت ولا ولد - هههههه , ولد يا حبيبتى معلش بقى (اصلها كانت عوزانى بنت علشان تلعب معايا) ======================================== بعد كدة طبعا السبوع والملبس والحمص واللمة والحبايب والاقارب والاصدقاء والجيران وطنط فوفو وخالتوا نونو وعمتو فيفى فى المنصورة ولأسرة البرنامج ولكل مستمعينا
لما بقى عندى 3 سنين جينا المنصوره .. نشأت وترعرعت فى مدينه الكردى دخلت حضانة الايمان وبعدين مدرسة النهضه الابتدائية وبعدين مدرسة التعليم الاساسى الاعدادية وبعدين مدرسة الثانويه المشتركه وبعدين اكادميه حاسبات الزرقا
يااااه فعلا الايام بتجرى اسرع مما تخيلت يا رتنى ارجع صغير تانى
اوعوا تفتكروا علشان اختصرت الموضوع فى الاخر ان انا هرحمكم ... انسوا انا لسه هحكى كل اللى حصلى على مر السنين دى كلها يتبع .....
موضوع: خرابيش حياتى انا (1) 
السبت يناير 23, 2010 7:21 pm
ولو عجبتكم اكمل ولو معجبتكمش خلاص غيرها فى غيرها
