سيل من الهجوم والشتائم يمكنك أن تلحظها في عناوين مجموعات الفيس بوك التي تدعو الشباب إلى وقف التحرش بالفتيات، أو في تعليقات المجموعات المضادة التي تدعو البنات إلى الاحتشام منعاً للتحرش!
يعني "البيضة الأول ولا الفرخة؟".. هذا هو السؤال الذي ستسأله لنفسك بعد أن تزور عدداً من تلك المجموعات، فمنها من يرجع ظاهرة التحرش والمعاكسات إلى عدم ارتداء الفتيات لملابس محتشمة، بينما ترفض الأخرى هذا السبب وتقول أن الظاهرة تعود إلى عدم احترام الرجل للفتاة في الشارع، فالتحرش سيحدث أياً كانت ملابس الفتاة، فلو كان الرجل مؤدباً ما كان سيحدث تحرش!
فقد تحول الفيس بوك بعد حادث حدائق القبة أول أمس إلى ساحة عراك بين الشباب والفتيات كل منهم يتهم الآخر بالتسبب في التحرش، مثل هذه الحرب نرصدها لكم في السطور القادمة:
* اسم المجموعة: أنا مش هاتحجب وأنت هتتأدب عدد الأعضاء: 2381 أهم ما تروجه: (لماذا يجب على المرأة التحجب وراء حجاب ولا يجب على الرجل أن يتأدب في حضرة المرأة ويكبت جماح حيوانيته؟.. لماذا هموم الرجل تتحملها المرأة أوزاراً وأستاراً؟.. أليس من الأفضل أن يتأدب الرجل تابعاً أخلاق دينه وأن يسترشد بالصوفية النقية والأخلاق الحميدة.. لماذا دائماً تقارن المرأة الغير محجبة بالعاهرة ويقارن الرجل الذي يطاردها ويقطع عليها الطريق بالمسكين الغير قادر على مجابهة أمراضه؟!) آراء المشاركين: - "هذا الجروب ليس دعوة لخلع الحجاب.. إطلاقاً هو دعوة لوقف التحرشات فى الشارع المصري في دولة لا تُلزم المرأة بالحجاب عند الخروج من المنزل.. دولة فيها أديان مختلفة.. سائحات من كل صوب.. أجانب يعيشون على أرضها". - "صح يا أستاذة أنتي حرة.. تتحجبي ما تتحجبيش.. تعصي ربنا ما تعصيهوش.. تحترمي دين الآخرين ما تحترميهوش.. وأنا كمان حر.. أنا هتحرش بيكي.. أعاكسك.. أغتصبك.. أنا حر.. والقانون هيحاسبني.. وأنا موافق أغتصبك وأروح فى ستين داهية أنتي ليكي حاجة عندي.. من الصبح هامشى بلبوص.. ومحدش له حاجة عندي"؟ - "قاطعوا هذا الجروب".
* اسم المجموعة: شوفوا لابسة إزاي؟ طب أنت مال أهلك عدد الأعضاء: 1549 أهم ما تروجه: الفتاة حرة في ملابسها ولها ان ترتدي ما تشاء لا تتقيد بملابس معينة لمجرد ان تمنع شاب يسير وراء لذاته ويتحرش بها. آراء المشاركين: - إزاي نقلل من المصيبة دي إحنا البنات بنتبهدل فى الشارع وأحيانا على مرأى ومسمع الأمن دون أي تدخل منهم. - أنا واحدة مش محجبة.. وعمري ما قلت لواحدة اقلعي الحجاب.. فمحدش ييجي يقولي ألبسي حجاب.. أنت مال أهلك. - أنتم بيطبق عليكم حديث الرسول عن الكاسيات العاريات.. وده معناه بالبلدي كده.. لابسين ومش لابسين حاجة. - أنا عندى اقتراح ممتاز لتقليل التحرش.. ألبسى لبس من اللي ربنا قال عليه.. يعني جسمك كله يكون متغطي عدا وجهك وكف إيدك.. وهاتحسي بالفرق. - كل اللي على مزاجك.. وألبس اللي على مزاج الناس.
* اسم المجموعة: سافرات ونفتخر عدد الأعضاء: 423 أهم ما تروجه: رجاء من كل فرد فتح المعجم والبحث عن معنى سافر أو سافرة: وهو عاري الراس وعارية الرأس وليست عارية الجسم كما يعتقد البعض.. سافرة ليست كلمة قبيحة وليست قذف كما يعتقد البعض ولكن من جعلها هكذا هم بلاد البترودولار بسبب كرههم للمرأة وتحقيرهم لها حيث لا يعتبرونها غير أداة للجنس ووعاء للأطفال. آراء المشاركين: - يعني الرجل لما يرى شعر مرأة يثار جنسيا لهذه الدرجة!.. هكذا فقط لمجرد الرؤية..طيب أكيد الشعر سره باتع.. ماذا لو عملنا شوربة على خصلة شعر من مرأة ممكن تعالج القدرة الجنسية عند الرجالة بحيث نحتسي جرعة من شربة الخصلة صباحا ومساء.. أو نعطي الخصلة لصيدلي يستخرج منها المادة الفعالة ونستعملها بدل الفياجرا! - المرأة ليست عورة ولا فتنة ولا ناقصة عقل ولا دين. - عاش السفور.. عاش التبرج.. عاشت حرية المرأة, - للمرأة عورة تغطيها بملبس يغطى الجسد إلا الوجه والكفين.. والرجل له عورته التي يعطيها.. ملبس المرأة لا شفاف ولا ضيق.. هل هذا صعب؟.. لا تقليل من حقوقها كمواطنة ولا تقليل من حقها كإنسان.. لا فرض للحجاب بالقوة ولا منعه بالقوة.. هل هذا صعب؟
** وعكس كل الأفكار السابقة، ظهرت مجموعات تحاربها مثل: * اسم المجموعة: لا للملابس الضيقة يا بنات مصر.. كفاية كده عدد الأعضاء: 15.626 أهم ما تروجه: على كل شاب ورجل أن يمنع أخته أوخطيبته وابنته أو من له سلطة عليها بمنعها من لبس الملابس الضيقة لانها أضرارها كثيرة منها التحرش ومنها أنها تكون غير محترمة في عيون الآخرين آراء المشاركين: - تلك الملابس الضيقة تجلب للفتاة الأمراض كالعقم والتهاب بطانة الرحم، أضف إلى ذلك كله الذنوب التي تتحملها من جراء إثارتها للشباب. - بجد حاجة كويسة إننا لسه بخير.. وإننا بنفكر كده - أنا من رأيي إن شركات الملابس يجب أن تمتنع عن تصنيع الملابس الضيقة ولا يعطوا فرصة للبنات بلبسها. أنا عن نفسي باكره اليوم اللي بشترى فيه ملابس عشان بلف كتير على المحلات عشان اشترى ملابس واسعة - أنا بالنسبة لى إن البنت أحسن لها تقلع البتاع اللي على راسها وتلبس قصير وعريان أحسن ما تسيئ للحجاب بالشكل ده.. ده الواحد بيشوف بلاوي.. مش فاهم هو أنا لما هي تغطى شعرها مش هبص على جسمها؟
* اسم المجموعة: احترمي نفسك في لبسك عدد الأعضاء: 10.710 أهم ما تروجه: في ظل الانتشار الرهيب للمعاكسات والتحرشات مع إلقاء اللوم على الولد متجاهلين تماما دور البنت فى أنها سبب من أسباب المشكلة، بل إنها تعتبر السبب الرئيسى فى المشكلة بملابسها الضيقة والمحزقة والعريانة آراء المشاركين: - أنا شايفة إن ممكن البنت تكون ملتزمة وبرده الشباب مفيش فايدة فيهم. - مش الرجالة هما السبب فى العين الزايغة. - والله البنت المحتشمة لما باشوفها بتكبر بعيني.. والله العظيم - يا جماعة كلكم بتعيبوا على البنت.. أكيد البنت ليها دور مهم في الموضوع لكن الولد كمان لازم يلتزم ويتحلي بالحياء.. يا جماعة الاولاد لما بيشوفوا منتقبة بيعاكسوها يقولولها "حلو الاسود اللي ماشي".. أمال فين مقاومة الشهوات وجهاد النفس يا شباب كل واحد يصلح من نفسه الاول وبعدين نبدا نتكلم.
* اسم المجموعة: يا تلبسوا بناتكم يا نقلع إحنا كمان عدد الأعضاء: 2328 أهم ما تروجه: زي ما البنت بتلبس كت وبادي وميني جيب.. ومش بتتكسف ومش بتراعى شعور الشباب المقهور.. بنقولها خليكى على حريتك.. بس إيه رأيك لو أنتي راكبة أتوبيس أو ميكروباص بلبسك ده ولقيتي ولد جنبك لابس شورت وفانلة كت ويبقى جسمه لازق في جسمك. وكمان لاحظى إن لبسه ده شرعي يعنى برده مش غلطان ف حاجة" آراء المشاركين: - الناس اللي بتقول إن اللبس مش سبب وإن المحجبة بتتعاكس والمنقبة كذلك بنقولهم اعملوا اللي عليكم واستروا البنات ولو حصل شىء زى ده يبقى العيب مش منكم ومش كل الشباب وحشين. - فعلا الواحد اتخنق بجد من اللبس المغري اوي اوي اوي اللي بيشوفه كل يوم يبقي الواحد يمشي ملط احسن بأه اهي واحدة بواحدة. - النفس ضعيفة أوي.. أنتو نسيتو سيدنا يوسف. - بالعكس.. قصدة سيدنا يوسف تعلمك الثبات.. مش الضعف والتحرش! - يعنى بصراحة اللى بيضايق أي واحدة محترمة نفسها في لبسها وفي مشيتها ومش ماشية تقهقه وتتمرقع في الشارع ده يبقى إنسان مريض ولازم يتعالج!
The PunSheR نائب المدير العام
عدد المساهمات : 1040 العمر : 33 الموقع المفضل : MALAKSH FEIH المزاج : TA3BAN GEDAN
موضوع: انتى مال اهلك؟ وانتا مال اهلك؟!!!!! 
الإثنين أغسطس 24, 2009 9:08 pm
والله انا كنت داخل اقفل التوبيك